फेरि बढ्न थाल्यो कोरोना सङ्क्रमण
वि.सं.२०७९ असार ९ बिहीवार
काठमाडौँ।पछिल्लो दिन कोरोना सङ्क्रमितको सङ्ख्या बढ्न थालेको छ।
स्वास्थ्य तथा जनसङ्ख्या मन्त्रालयको तथ्याङ्कअनुसार आज ४९ जनामा सङ्क्रमण पुष्टि भएको छ।
बुधबार ३१ जना र मङ्गलबार १९ जनामा सङ्क्रमण देखिएको थियो। पछिल्लो २४ घण्टामा दुई हजार ४९४ नमूना परीक्षण गर्दा ४९ जनामा सङ्क्रमण पुष्टि भएको मन्त्रालयले जनाएको छ।
सो अवधिमा १२ जना सङ्क्रमणमुक्त भएका छन् । हाल १६३ जना सक्रिय सङ्क्रमित छन्। आज ८५ हजार ६५७ जनाले कोरोना भाइरसविरुद्धको खोप लगाएका छन्।
नेपालमा हालसम्म ११ लाख १९ हजार ८६६ जनामा कोरोना सङ्क्रमण पुष्टि भइसकेको छ भने ११ हजार ९५२ जनाको सङ्क्रमणबाट ज्यान गएको छ।
वि.सं.२०७९ असार ९ बिहीवार २१:२९
