म्यादी प्रहरीको लागि फेरि भर्ना खुल्दै
वि.सं.२०७९ साउन १९ बिहीवार
काठमाडौँ । सरकारले आगामी मंसिर ४ मा संघ र प्रदेश निर्वाचन एकै चरणमा घोषणा गरेसँगै म्यादी प्रहरीको भर्ना खुलाउने तयारी गरेको छ । प्रहरी प्रवक्ता टेकप्रसाद राईले म्यादी प्रहरी भर्नाका लागि प्रक्रिया अघि बढाइने जानकारी दिए ।
उनले अकेन्द्रिकृत सुरक्षा योजना बनाएर अघि बढिने बताए । उनले भने, ‘झण्डै एक लाखको हाराहारीमा म्यादी प्रहरी भर्ना खुल्ने सम्भावनाम छ । चुनावको थ्रेटको मुल्याकंन गरेर अघि बढ्छौं ।’
यसअघि स्थानीय तहको चुनावमा एक लाख १९ हजार म्यादी प्रहरी भर्ना भएका थिए । संघ र प्रदेशको निर्वाचन आगामी ४ मंसिरमा हुने भएको छ ।
वि.सं.२०७९ साउन १९ बिहीवार २२:२८