गाउँको दुरदराजदेखि काठमाडौंको सिंहदरबारसम्म

काठमाडौं । भारतले भुलबस पाकिस्तानी क्षेत्रमा मिसाइल प्रहार गरेको छ।

पाकिस्तानी सशस्त्र सेनाले भारतीय क्षेप्यास्त्र आफ्नो भूमिमा खसेको दाबी गरेको छ।

स्पुतनिक समाचार एजेन्सीले भारतको हरियाणा राज्यको सिरसा शहर नजिकको इलाकाबाट प्रक्षेपण गरिएको सो क्षेप्यास्त्र पाकिस्तानको पञ्जाब प्रान्तको मियाँ चान्नु शहर नजिकै खसेको जनाएको छ।

साँझ ६ः४३ बजे उच्च गतिको उडान भर्दै गरेको सो क्षेप्यास्त्र पाकिस्तानी सेनाले पत्ता लगाएको थियो।

रुसी समाचार एजेन्सीले पाकिस्तानी सशस्त्र सेनाका प्रवक्तालाई उद्धृत गर्दै बताएअनुसार सो क्षेप्यास्त्रले आफ्नो प्रारम्भिक मार्गबाट अचानक पाकिस्तानी क्षेत्र तर्फ उडेको र पाकिस्तानको एयर स्पेस उल्लङ्घन गरेको थियो।

पाकिस्तानमा मिसाइल प्रहार भुलबस भएको भारतले स्वीकार गरेको छ। भारत सरकारले यो घटनाको छानबिन गर्न कोर्ट अफ इन्क्वाइरीको आदेश पनि दिएको छ ।

भारतीय रक्षा मन्त्रालयले घटना खेदजनक भएको उल्लेख गर्दै कुनै मानवीय क्षति नभएको जनाएको छ ।

#BREAKING India accidentally fired missile into Pakistan after 'technical malfunction': defence ministry pic.twitter.com/UmgfAweX4J

— AFP News Agency (@AFP) March 11, 2022