युवा तथा साना व्यवसायी स्वरोजगार कोष कार्यक्रम नेपालको ७७ जिल्लामै विस्तार
वि.सं.२०७८ कात्तिक ३० मंगलवार
shares
काठमाडौं। युवा तथा साना ब्यवसायी स्वरोजगार कोष कार्यक्रम नेपालको ७७ जिल्लामै विस्तार गरीएको छ । मंगलबार बसेको युवा तथा साना ब्यवसायी स्वरोजगार कोषको बोर्ड बैठकले मनाङ र मुस्ताङ जिल्लामा समेत कोष बिस्तार गर्ने निर्णय गरेसँगै ऊक्त कार्यत्रम ७७ जिल्लाभर लागु हुने भएको हो ।
युवा तथा खेलकुद मन्त्री महेश्वरजंग गहतराज (अथक) को अध्यक्षतामा सिंहदरबारस्थित मन्त्रालयमा बसेको बोर्डको ४५औं बैठकले थप दुई जिल्ला (मनाङ र मुस्ताङ) मा ऊक्त कार्यत्रम बिस्तार गर्ने निर्णय गरेको हो ।
कोषको अध्यक्षको हैसियतमा बोर्डको पहिलो बैठक बोलाउनुभएका मन्त्री अथकले देशभरका युवालाई स्वरोजगार बनाउने उद्धेश्यले थप दुई जिल्लामा समेत ऊक्त कार्यत्रम लागु गर्न निर्देशन दिनुभएको हो ।
नेपाल सरकारबाट बि.सं. २०६४ सालमा स्थापना भएको कोषले युवाहरुलाई सहुलियत दरमा कर्जा प्रवाह गर्दै आईरहेको छ ।
