लेखापालसहित दुई जनाविरुद्ध भ्रष्टाचार मुद्दा
वि.सं.२०८० चैत १६ शुक्रवार
काठमाडौँ । अख्तियार दुरुपयोग अनुसन्धान आयोगले लेखापालसहित दुई जनाविरुद्ध भ्रष्टाचार मुद्दा दायर गरेको छ ।
सार्वजनिक सम्पत्ति हानि नोक्सानी गरी भ्रष्टाचार गरेको आरोपमा जनज्योति माध्यमिक विद्यालय, दाङका तत्कालीन लेखापाल चूडामणि पोख्रेल र विद्यालय व्यवस्थापन समितिका अध्यक्ष जगदीश चौधरीविरुद्ध मुद्दा दायर गरिएको हो ।
विद्यार्थीहरूबाट निजी श्रोत शिक्षकलाई तलब खुवाउने बहानामा विभिन्न शीर्षकमा चर्को शुल्क लिई अनियमितता गरेको अख्तियारको दाबी छ ।
पोख्रेलविरुद्ध आठ लाख बयानब्बे हजार दुई सय सतसठ्ठी रुपैयाँ सत्तरी पैसा र चौधरीविरुद्ध दुई लाख बीस हजार रुपैयाँ बिगो कायम गरिएको छ ।
वि.सं.२०८० चैत १६ शुक्रवार १६:४१
