गाउँको दूरदराजदेखि काठमाडौंको सिंहदरबारसम्म

काठमाडौं।संयुक्त राज्य अमेरिकाको स्थायी बसोबास अनुमति दिने ‘डाइभर्सिटी भिसा (DV) २०२५’ कार्यक्रमको नतिजा आज सार्वजनिक हुँदैछ। अमेरिकाको विदेश मन्त्रालयले आज नेपाली समय अनुसार साँझ ९:४५ बजेपछि डिभी नतिजा प्रकाशित गर्ने जनाएको छ।

DV चिठ्ठाको नतिजा www.dvprogram.state.gov मा हेर्न सकिन्छ। आवेदनकर्ताहरूले आफ्नो Confirmation Number, थर, जन्म मिति राखेर नतिजा जाँच गर्न सक्नेछन्।

यस वर्ष पनि लाखौं नेपालीहरूले DV चिठ्ठामा आवेदन दिएका थिए। DV विजेताहरूले Green Card पाउने मौका पाउँछन्, जसले उनीहरूलाई अमेरिकामा स्थायी रूपमा बसोबास गर्ने अधिकार दिन्छ।

सरकार तथा विभिन्न संस्थाहरूले नतिजा हेर्नका लागि दलाल वा तेस्रो पक्षको भर नपर्न, सावधानी अपनाउन र आधिकारिक वेबसाइट मात्र प्रयोग गर्न आग्रह गरेका छन्।

नतिजा हेर्ने तरिका

१. dvprogram.state.gov मा जानुहोस्

२. “Check Status” मा क्लिक गर्नुहोस्

३. Confirmation Number, Last Name, र Birth Year प्रविष्ट गर्नुहोस्

४. “Submit” मा क्लिक गर्नुहोस्

महत्त्वपूर्ण सूचना:

विजेता भएपछि पनि अन्तर्वार्ता, कागजात प्रमाणीकरण, र स्वास्थ्य परीक्षणजस्ता प्रक्रियाहरू पास गर्न आवश्यक हुन्छ।

डिभी परे पनि अन्तिम निर्णय अमेरिकी दूतावासबाट मात्र हुन्छ।