गाउँको दुरदराजदेखि काठमाडौंको सिंहदरबारसम्म

काठमाडौँ।राष्ट्र बैंकको गभर्नर नियुक्तिका लागि गठन गरेको सिफारिस समितिको बैठक अन्तिम समयमा स्थगित भएको छ ।

रिक्त भएको सदस्यमा निवर्तमान गभर्नर महाप्रसाद अधिकारीलाई सरकारले नियुक्त गरेपछि समितिको पहिलो बैठक आइतबारका लागि बोलाइएको थियो । तर अर्थमन्त्री विष्णु पौडेलको कार्यव्यस्तताले बैठक अन्तिम समयमा स्थगित भएको हो । यसअघि समितिका सदस्य विजयनाथ भट्टराईले राजीनामा दिएपछि एक सदस्य पद रिक्त भएको थियो । भट्टराई आफू गर्भनर हुँदा सिफारिस समितिमा दोस्रो नम्वरमा भएपनि कायममुकायम भएकै कारण गर्भनर भएका थिए । सोही नजीर बिपरित दवाव आउन थालेपछि भट्टराईले सिफारिस समितिबाट राजीनामा दिएका हुन् ।

सरकारले चैत १६ गते अर्थमन्त्री पौडेलको संयोजकत्वमा गर्भनर नियुक्त गर्न तीन सदस्यीय समिति गठन भएको थियो । जसमा विश्व पौडेल र विजयनाथ भट्टराई सदस्य थिए । तर वैशाख १० गते सदस्य भट्टराईले असन्तुष्टि जनाउँदै समितिबाट बाहिरिएका थिए । उनको स्थानमा अधिकारीलाई सदस्य बनाइएको छ ।

सिफारिस समितिले नयाँ गर्भनरको नाम चयन गर्न नसक्दा गभर्नर नियुक्ति प्रक्रिया लम्बिएको छ । चैत २५ गतेदेखि राष्ट्र बैंक गभर्नरविहीन छ ।

गुणाकर भट्टलाई बनाउने सहमति भएको हल्लाबीच उनले राष्ट्र बैंकको प्रमुख कार्यकारी निर्देशकबाट राजीनामा पनि दिएका थिए । उनको राजीनामा अहिलेसम्म स्वीकृत भएको छैन । घट्टलाई गर्भनर बनाउने सहमति कतै सार्वजनिक भएको छैन ।

पछिल्लो समय गभर्नरको दौडमा कायममुकायम गभर्नर डाक्टर नीलम ढुंगाना, गुणाकर भट्टलगायतक छन् ।