गाउँको दूरदराजदेखि काठमाडौंको सिंहदरबारसम्म

काठमाडौं । प्रधानमन्त्री सुशीला कार्कीसहित सरकारका १० मन्त्रीहरूले आफ्नो सम्पत्ति विवरण प्रधानमन्त्री तथा मन्त्रिपरिषद् कार्यालयमा बुझाएका छन्।

कार्यालयका अनुसार सम्पत्ति विवरण बुझाउने मन्त्रीहरूमा परराष्ट्र, रक्षा, खानेपानी, महिला–बालबालिका–ज्येष्ठ नागरिक, वन–वातावरण, संस्कृति–पर्यटन–नागरिक उड्डयन, श्रम–रोजगार–सामाजिक सुरक्षा, अर्थ, सङ्घीय मामिला तथा सामान्य प्रशासन लगायतका मन्त्रालयका प्रमुखहरू छन्।

त्यसैगरी ऊर्जा–जलस्रोत–सिँचाइ तथा भौतिक पूर्वाधार–यातायात–सहरी विकासमन्त्री कुलमान घिसिङले पनि विवरण बुझाएको कार्यालयले जनाएको छ।

अर्कोतर्फ गृहमन्त्री ओमप्रकाश अर्याल, उद्योग–वाणिज्य–आपूर्ति मन्त्री, कानुन–न्याय–संसदीय मामिला मन्त्री, भूमि व्यवस्था–सहकारी–गरिबी निवारण मन्त्री अनिलकुमार सिन्हा, शिक्षा–विज्ञान–प्रविधिमन्त्री डा. महावीर पुन, कृषि तथा पशुपन्छी विकासमन्त्री मदनप्रसाद परियार, सञ्चार तथा सूचना प्रविधिमन्त्री जगदीश खरेल, स्वास्थ्य तथा जनसङ्ख्यामन्त्री सुधा गौतम तथा युवा–खेलकुदमन्त्री बब्लु गुप्ताका सम्पत्ति विवरण पनि प्राप्त भएको कार्यालयले जनाएको छ।

सरकारी पदधारीले हरेक वर्ष सम्पत्ति विवरण बुझाउनु पर्ने कानुनी व्यवस्था अनुसार यस वर्ष समयमै विवरण बुझाउने मन्त्रीहरूको संख्या उल्लेख्य रहेको प्रधानमन्त्री कार्यालयको भनाइ छ।