चितवन राइनोजले पोखरा एभेन्जर्सलाई दियो १२१ रनको लक्ष्य
वि.सं.२०८२ मंसिर २० शनिवार
573
shares
shares
काठमाडौं । नेपाल प्रिमियर लिग (एनपीएल) सिजन–२ मा चितवन राइनोजले पोखरा एभेन्जर्सलाई १२१ रनको लक्ष्य प्रस्तुत गरेको छ ।
टीयु क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ६ विकेट गुमाएर १२० रन बनायो । चितवनका लागि देव खनालले सर्वाधिक ३५ रन बनाए ।
अल्पेश रामजानी ३३, डेविड मलान ५, अर्जुन साउद १, रवि बोपारा १, सैफ जैइव १७, कप्तान कुशल मल्ल २३ रनमा आउट भए । कमलसिंह ऐरी २ रनमा अविजित रहे ।
बलिङमा पोखराका धनन्जय लक्षनले सर्वाधिक ३ विकेट लिए । विपिन खत्री, रोहित चन्द र किरण ठगुन्नाले एकएक विकेट लिए ।
