गाउँको दूरदराजदेखि काठमाडौंको सिंहदरबारसम्म

काठमाडौँ। नेपाल धितोपत्र बोर्डको अध्यक्षको संक्षिप्त सूचीमा परेका सबै खस आर्य समुदायबाट छनौट गरिएका छन्।

आज सिफारिस समितिले सार्वजनिक गरेको चारै जना खस आर्यबाहेक अन्य समुदायबाट परेनन् । बोर्डको अध्यक्षका लागि निवेदन दिने ४७ जना मध्य ४ जना एउटै समुदायबाट छनौट भएका हुन् । अध्यक्षका लागि विभिन्न समुदायबाट प्रतिनिधित्व गर्दै आवेदन दिएका थिए।

तर, सिफारिस समितिले भने खस आर्य समुदायका डा. नवराज अधिकारी, बिनयदेव आचार्य , मुकुन्द कुमार क्षेत्री र डा. गोपालप्रसाद भट्टलाई अर्थात् एकै समुदायका मात्र छनौट गरेको छ। जसमा महिला सहभागीता समेत शून्य छ।

छनौट भएका ४ जनालाई जेठ ८ गते शुक्रबार छलफलका लागि बोलाईएको छ।