गाउँको दूरदराजदेखि काठमाडौंको सिंहदरबारसम्म

काठमाडौं । भूमि व्यवस्था, सहकारी, संघीय मामिला तथा सामान्य प्रशासन मन्त्रालयले १४ जना शाखा अधिकृतको सरुवा गरेको छ।

मन्त्रालयले असोज १४ गते गरेको निर्णयअनुसार राजपत्राङ्कित तृतीय श्रेणीका शाखा अधिकृतहरूलाई विभिन्न मन्त्रालय तथा स्थानीय तहमा सरुवा गरेको हो। केही अधिकृतलाई भने आवश्यकताअनुसार अन्य निकायमा कामकाज गर्ने गरी जिम्मेवारी तोकिएको छ।

प्रशासनिक कार्यलाई व्यवस्थित बनाउने तथा कर्मचारी व्यवस्थापनलाई प्रभावकारी बनाउने उद्देश्यसहित मन्त्रालयले सरुवासम्बन्धी निर्णय गरेको हो।

सरुवामा परेका १४ जना शाखा अधिकृतको नाम, यसअघि कार्यरत निकाय र सरुवा भएको कार्यालयको विस्तृत विवरणसमेत सार्वजनिक गरिएको छ।