गाउँको दूरदराजदेखि काठमाडौंको सिंहदरबारसम्म

नुवाकोट । नेपाली कांग्रेस नुवाकोटको तादी गाउँपालिकाअन्तर्गत नियमित महाधिवेशन पक्षको पालिका अधिवेशन सम्पन्न भएको छ। अधिवेशनले सभापतिमा केदार पाण्डेलाई सर्वसम्मत चयन गरेको छ।

अधिवेशनबाट अमर लामाको नेतृत्वमा नयाँ कार्यसमिति चयन भएको जनाइएको छ। पार्टीको संगठनलाई पालिकास्तरमा थप व्यवस्थित बनाउने, कार्यकर्ताबीच आपसी एकता कायम गर्ने तथा संगठनलाई क्रियाशील बनाउने उद्देश्यले अधिवेशन सम्पन्न भएको हो।

सभापतिमा सर्वसम्मत चयन भएका पाण्डेको नेतृत्वमा तादी गाउँपालिकाभित्र पार्टीको संगठन विस्तार, स्थानीय तहमा जनतासँगको सम्बन्ध सुदृढीकरण तथा पार्टीका गतिविधिलाई प्रभावकारी बनाउने अपेक्षा गरिएको छ।

नेपाली कांग्रेसको आन्तरिक संगठन सुदृढीकरण र नेतृत्व चयन प्रक्रियाका रूपमा पालिका अधिवेशनलाई महत्त्वका साथ हेरिएको छ। अधिवेशनले स्थानीय तहमा पार्टीका नेता तथा कार्यकर्तालाई संगठित गर्दै आगामी राजनीतिक गतिविधिमा समन्वय बढाउन सहयोग पुग्ने विश्वास लिइएको छ।