गाउँको दूरदराजदेखि काठमाडौंको सिंहदरबारसम्म

आज दिउँसो पक्राउ परेका एक क्विन्टल सुन तस्करीका मुख्य अभियुक्त आशंकित राकेश अडुकियाका छोरालाई राजस्व अनुसन्धान विभागले जिम्मा लिन अस्वीकार गरेको छ । २२ वर्षे रोहन अडुकियालाई त्रिभुवन अन्तर्राष्ट्रिय विमानस्थलको आगमन कक्षमा समातेपछि हरिहर भवनस्थित विभागमा पुर्याइएको थियो ।

विभागले अस्वीकार गरेपछि रोहनलाई प्रहरीको राष्ट्रिय अनुसन्धान ब्युरोमा बुझाइएको स्रोतको दाबी छ । यसअघि विभागले गरेको सम्पूर्ण अनुसन्धान,प्रमाण र पक्राउ परेका अभियुक्तलाई पनि गत साता ब्युरोमा बुझाइएको थियो ।

छोरा अडुकियालाई नयाँ दिल्लीबाट काठमाडौं आउने क्रममा त्रिभुवन अन्तर्राष्ट्रिय विमानस्थलको अध्यागमन डेस्कको सूचनापछि नेपाल प्रहरीले पक्रेको हो । उनी सवा ३ बजे भारतीय राहदानी जेड ६३९६४२१ बोकेर इण्डिगो एअरको उडानमा काठमाडौं विमानस्थलमा ओर्लिएका थिए । जनआस्था