आईपीएल : हैदराबादलाई पराजित गर्दै गुजरात शीर्ष स्थानमा
वि.सं.२०८३ वैशाख ३० बुधवार
shares
Photo By: Kagiso Rabada of Gujarat Titans celebrates the wicket of Ishan Kishan of Sunrisers Hyderabad during Match 56 of the TATA Indian Premier League 2026 between Gujarat Titans and Sunrisers Hyderabad at Narendra Modi Stadium, Ahmedabad, India, on May 12, 2026.
Photo by Surjeet Yadav / CREIMAS for IPL
काठमाडौं । गुजरात टाइटन्सले इन्डियन प्रिमियर लिग (आइपिएल) मा सनराइजर्स हैदराबादलाई ८२ रनले पराजित गरेको छ । यो जितसँगै गुजरात अंक तालिकाको शीर्ष स्थानमा पुगेको छ ।
अहमदाबादमा पहिले ब्याटिङ गरेको गुजरातले २० ओभरमा ५ विकेट गुमाउँदै १ सय ६८ रन बनाएको थियो । गुजरातका लागि साइ सुदर्शन ले ४४ बलमा ६१ रन बनाए । वासिङ्टन सुन्दर ले ३३ बलमा ५० रन जोडे ।
हैदराबादका लागि प्रफुल हिङ्गे र साकिबले समान २ विकेट लिए । १ सय ६९ रनको लक्ष्य पछ्याएको हैदराबाद सुरुवातमै दबाबमा पर्यो ।
पावरप्ले सकिँदासम्म हैदराबाद ४ विकेट गुमाएर मात्र ३४ रनमा सीमित भयो । हैदराबादको इनिङ्स लामो समय टिक्न सकेन र टोली १४.५ ओभरमा मात्र ८६ रनमा अलआउट भयो ।
टोलीका कप्तान प्याट कमिन्सले सर्वाधिक १९ रन बनाए । गुजरातका लागि जेसन होल्डर र कागिसो रबाडाले समान ३ र प्रसिद्ध कृष्णा ले २ विकेट लिए ।
यो जितसँगै गुजरातले १६ अंक जोड्दै अंक तालिकाको शीर्ष स्थानमा उक्लिएको छ । साथै अहमदाबादमा सन् २०२३ यता हैदराबादविरुद्ध गुजरातको लगातार चौथो जित हो ।
