गाउँको दूरदराजदेखि काठमाडौंको सिंहदरबारसम्म

काठमाडौं । भूमि व्यवस्था, सहकारी तथा संघीय मामिला एवं सामान्य प्रशासन मन्त्रालयले देशभरका विभिन्न स्थानीय तहमा कार्यरत ११२ जना प्रमुख प्रशासकीय अधिकृत तथा शाखा अधिकृतको सरुवा गरेको छ।

मन्त्रालयले सोमबार निर्णय गर्दै विभिन्न स्थानीय तहमा कार्यरत प्रमुख प्रशासकीय अधिकृत र शाखा अधिकृतको जिम्मेवारी हेरफेर गरेको हो। सरुवाअनुसार कर्मचारीहरूलाई विभिन्न नगरपालिका तथा गाउँपालिकामा नयाँ जिम्मेवारीसहित खटाइएको मन्त्रालयले जनाएको छ।

मन्त्रालयका अनुसार प्रशासनिक कार्यसम्पादनलाई थप प्रभावकारी, सेवा प्रवाहलाई सहज र जनशक्ति व्यवस्थापनलाई सुदृढ बनाउने उद्देश्यले सरुवा गरिएको हो।

सरुवामा प्रमुख प्रशासकीय अधिकृतका साथै शाखा अधिकृत तहका कर्मचारीहरू पनि समेटिएका छन्। मन्त्रालयले सरुवा भएका कर्मचारीहरूको पूर्ण नामावली सार्वजनिक गरेको जनाएको छ।