गाउँको दूरदराजदेखि काठमाडौंको सिंहदरबारसम्म

काठमाडौं । निषेधाज्ञा आदेश उल्लंघनका घटना बढेपछि काठमाडौं जिल्ला प्रशासन कार्यालयले उपत्यकामा निषेधाज्ञा थप कडा गर्ने भएको छ।

आज बसेको जिल्ला कोभिड संकट व्यवस्थापन केन्द्र (डीसीसीएमसी) बैठकले सरकारी र बैंक तथा वित्तिय संस्थालाई एक चौंथाइ कर्मचारी राखेर संचालन गर्न दिने निर्णय गरेको हो ।

सोमबारदेखि बिहान १० बजेसम्म मात्र अत्यावश्यक पसलहरु खोल्न अनुमति दिने निर्णय भएको पनि बताइएको छ।

यसअघि बेलुका ५ बजेदेखि ७ बजेसम्म पसल खोल्न अनुमति दिएकोमा सोमबारबाट भने बेलुका पसलहरु खोल्न नदिने निर्णय प्रशासनले गरेको हो।