गाउँको दूरदराजदेखि काठमाडौंको सिंहदरबारसम्म

सूर्या लाइफ इन्स्योरेन्स कम्पनी लिमिटेडको तेह्रौं वार्षिक साधारणसभा आज मिति २०७८ पौष १९ गते विराटनगर स्थित होटल हैरिसन प्यालेसमा सम्पन्न भएको छ । साभारणसभाको अध्यक्षता कम्पनीका संचालक समितिका अध्यक्ष श्री केशव प्रसाद भट्टराईज्यूले गर्नुभएको थियो ।

सभाले चुक्ता पूँजीको १२.७० प्रतिशत बोनस शेयर तथा ०.६६८५ प्रतिशत नगद लाभांश गरी १३.३६८५ प्रतिशत लाभांस वितरण गर्ने प्रस्ताव पारित गरेको छ । बोनस शेयर वितरण पश्चात् कम्पनीको चुक्ता पूजी बृद्धि भई रु.२,४४,०२,८२,१००।– कायम हुनेछ ।

सभाले कम्पनीको संस्थापक र सर्वसाधारण शेयर संरचना परिवर्तन गर्ने प्रस्ताव पारित गर्नुका साथै संचालक समितिमा संस्थापक शेयरधनी समुह “क” बाट प्रतिनिधित्व गर्ने ५ जना संचालक र सर्वसाधारण शेयरधनी समूह “ख” बाट प्रतिनिधित्व गर्ने २ जना संचालकहरुको निर्वाचन समेत सम्पन्न गरेको छ ।

संस्थापक शेयरधनी समुह “क” बाट श्री केशव प्रसाद भट्टराई, श्री हेमन्त नाहटा, श्री विशाल अग्रवाल तथा श्री विवेक झा निर्वाचित हुनु भएको छ भने सर्वसाधारण शेयरधनी समूह “ख” बाट श्री कृति टिवडेवाल तथा श्री बीरेन्द्र बाबु श्रेष्ठ निर्वाचित हुनु भएको छ । उहाँहरु निर्विरोध निर्वाचित हुनु भएको हो ।

कम्पनीले चालु आ.व. २०७८/७९ को मंसिर मसान्तसम्म देशभरिका आफ्ना १३४ शाखा सञ्जालमा रहेका ५९,७१७ अभिकर्ताहरु मार्फत १२२९७० बीमालेखबाट रु.२,०१,८४,७१,३१८/– बीमाशुल्क आर्जन गर्नुका साथै कुल दावी भुक्तानी रु.२९,१८,६७,३१०/– गरेको जनाएको छ ।