गाउँको दूरदराजदेखि काठमाडौंको सिंहदरबारसम्म

काठमाडौं । दुग्ध विकास संस्थान (डीडीसी) ले दुधको मूल्य बढाएको छ । डीडीसी दूधको मूल्य प्रतिलिटर ९ रुपैयाँ बढाउने निर्णय गरेको हो । अब दुधको मूल्य प्रतिलिटर ८५ रुपैयाँ पुगेको छ ।

बढेको मूल्य भोलि (शुक्रबार) देखि लागू हुनेछ । डीडीसीले वैज्ञानिक आधारमा स्टान्डर्ड दूधको मूल्य निर्धारण गरेको हो ।

यसअघि, किसानले प्रतिलिटर दुधमा ४९.५२ रुपैयाँ पाउँथे । नयाँ मूल्य निर्धारण भएसँगै किसानले प्रतिलिटर ५६.०४ रुपैयाँ पाउनेछन् ।

मन्त्रालयले बुधबार ३ प्रतिशत फ्याट र ८ प्रतिशत एसएनफको आधार मूल्य बढाउन डीडीसीलाई अनुमति दिएको थियो । त्यसपश्चात डीडीसीले पनि मूल्य बढाउने निर्णय गरेको हो ।