पूर्व अर्थमन्त्री फोरमसँगको बैंठक सम्पन्न
वि.सं.२०७८ फागुन १ आइतवार
shares
पूर्व अर्थमन्त्री फोरमको बैंठक आज मिति २०७८ माघ २९ गते, शनिवारका दिन बैंक तथा वित्तीय संस्था परिसंघ नेपाल (सिबिफिन) को कार्यालय, सुन्धारामा सम्पन्न भयो ।
उक्त बैंठकमा सहभागी पूर्व अर्थमन्त्रीज्यूहरुलाई बैंक तथा वित्तीय संस्था परिसंघ नेपाल (सिबिफिन) का अध्यक्ष श्री पवनकुमार गोल्यान, वरिष्ठ उपाध्यक्ष एवं प्रवक्ता श्री भोजबहादुर शाहले स्वागत गर्नुभएको थियो ।
पूर्व अर्थमन्त्री फोरमको बैंठकमा देशको वर्तमान अवस्थामा बैंक तथा वित्तीय क्षेत्रमा देखिएको तरलता अभावको समस्यालगायत आगामी बजेट तथा समसामयिक विषयहरुमा बैंठक केन्द्रित रहेको थियो ।
साथै यस बैंठकमा रेमिट्यान्स बढाउने, पूँजीगत खर्च वृद्धि, उत्पादनशील क्षेत्रमा लगानी वृद्धि गर्ने, आयात प्रतिस्थापन, उत्पादन तथा रोजगारी वृद्धिका साथै नयाँ उद्यमी तथा उद्यमशीलताको विकास एवं विस्तार गर्दै देशको दिगो आर्थिक विकास गर्ने विषयहरुमा वृहत छलफल गरेको छ ।
उक्त बैंठकमा पूर्व अर्थमन्त्रीहरु माननीय डा. रामशरण महत, माननीय सुरेन्द्र पाण्डे, माननीय वर्षमान पुन र माननीय डा. प्रकाशचन्द्र लोहनीको उपस्थिति रहेको फोरमका सदस्य सचिव माननीय श्री विमल केडियाले जानकारी गराउनुभयो ।
