गाउँको दूरदराजदेखि काठमाडौंको सिंहदरबारसम्म

नेपाली बजारमा सुनको मूल्यमा आज पनि गिरावट आएको छ । हिजो सुनको मूल्य प्रतितोला एक लाख २ हजार ३ सयमा कारोबार भएकोमा आज तोलामा १८ सयले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख ५ सय रुपैयाँ कायम भएको छ । तेजावी सुनको मूल्य प्रतितोला एक लाख रुपैयाँ कायम गरिएको छ ।

त्यस्तै, हिजो चाँदीको मूल्य प्रतितोला १४१५ रुपैयाँमा कारोबार भएकोमा आज घटेर प्रतितोला १३८० रुपैयाँ मूल्य कायम गरिएको महासंघले जनाएको छ ।