जि:बब र बुबाआमाबीच भयो ३ बुँदे सहमति
वि.सं.२०७९ जेठ ३० सोमवार
काठमाडौं । र्यापर सुदिप भण्डारी उर्फ जिःबब र आमाबुबाबीच ३ बुँदे सहमति भएको छ।
आफूलाई आमाबुबाबाट स्वतन्त्रता चाहिएको भन्दै जी:बबले पत्रकार सम्मेलन गरेको भोलिपल्ट परिवारसँग सहमति भएको हो।
सहमतिको पहिलो बुँदामा जी:बबको इच्छाअनुसार उनलाई समर्पण समाज नेपाल, कपनस्थित सुधार गृहमा राख्ने उल्लेख छ।
दोस्रो बुँदामा केही समयको लागि जी-बबले चाहेको समयमा आमा-बुवालाई भेट गराउने व्यवस्था समाजले मिलाउने उल्लेख छ।
तेस्रो बुँदामा भने कुनै पनि प्रकारको कार्यक्रममा भाग लिनुपरेमा आमा-बुवाको सहमति लिनुपर्ने उल्लेख गरिएको छ।
वि.सं.२०७९ जेठ ३० सोमवार २२:०६
