गाउँको दुरदराजदेखि काठमाडौंको सिंहदरबारसम्म

काठमाडौं । लामो समयदेखि यूरोपलाई कर्मथलो बनाएर नेपाली गीत संगीतलाई निरन्तरता दिइरहेका गायक तुलसी सिवाकोटीको ‘चटपटेको ठेला‘ सार्वजनिक भएको छ ।

विगत १२ वर्षदेखि युरोपमा बस्दै आएका सिवाकोटी युरोपलगायत विदेशको नेपाली संगीतमा परिचित नाम हो । प्राय विदेशमा हुने कार्यक्रमहरुमा उनको प्रस्तुति रहने गर्छ । परदेशको काम व्यस्तता बाबजुद नेपाली संगीत बजारमा अलग्गै पहिचान बनाउन सफल गायक सिवाकोटीले नयाँ गीत ‘चटपटेको ठेला’मा रबिन स्वप्निल गिरीको शब्द रहेको छ ।

त्यस्तै, गीतको संगीत/एरेन्जर/मिक्स/मास्टर दिपकराज विश्वकर्माले गरेका छन् । प्रेम र रोमान्सलाई निकै प्रेमील ढंगले गीतमा प्रस्तुत गरिएको छ ।

निशाल पौडेलको छायाँकन, विकास दाहालको सम्पादन तथा जसको निर्देशन युवराज वाइबाले गरेका हुन् । प्रेमी प्रेमीकाबिचको रोमान्टिक दृश्यहरुलाई निर्देशक वाइबाले कलात्मक शैलीमा भिडियोमा देखाएका छन् ।

भिडियोमा सरोज प्रजा र उषा उप्रेतीको अभिनय रहेको छ । जसको कोरियोग्राफी प्रमोद के भण्डारीले गरेका हुन् । प्रेम र समपर्णलाई आम दर्शक तथा स्रोताको चाहना अनुरुपको गीत बनेकोले दर्शक श्रोताले मन पराउनेमा आफू आशावादी रहेको निर्माता गणेश प्रसाईले बताए । भिडिओमा तुलसी सिवाकाेटी अफिसियल च्यानलबाट सार्वजनिक भएकाे हाे ।