रणवीर कपुरले नेपाली गायिका मेनुका पौडेलको प्रशंसा गरे,उनको पाउ छुँदै आशीर्वाद समेत मागे

Ghorahi cement

एजेन्सी । बलिउड अभिनेता रणवीर कपुरले नेपाली गायिका मेनुका पौडेलको प्रशंसा गरेका छन् । इन्डियन आइडलको स्टेजमा फिल्म ‘एनिमल’को प्रचारका लागि पुगेका रणवीरले मेनुको गायनबाट प्रभावित हुँदै प्रशंसा गरेका हुन् ।

 

 

कार्यक्रममा प्रस्तुतिको क्रममा मेनुकाले रणवीरकै फिल्म तमासाको ‘अगर तुम साथ हो’ गाएकी थिइन् । उक्त गीत सुनेपछि मन्त्रमुग्ध हुँदै रणवीरले प्रशंसा गर्दै उनको पाउ छुँदै आशीर्वाद समेत मागे ।

 

 

‘मेनुका जी मेरो नाम रणवीर हो । म तपाईसँग आशीर्वाद लिन चाहन्छु । ‘श्रेयाजीलाई देवी भन्छौँ । देवी नम्बर २ हाम्रो साथमा साक्षात् रूपमा उपस्थित हुनुहुन्छ ।’ रणवीरले भने ।

 

कार्यक्रममा रणवीरसँग फिल्मकी अभिनेत्री रश्मिका मन्दाना पनि सहभागी थिइन् । कार्यक्रममा रणवीरसँगै स्टेजमै चढेर रश्मिकाले पनि मेनुकाप्रति सम्मान व्यक्त गरेकी थिइन् । उक्त अवसरमा रणवीरले मेनुकालाई भोट गर्न समेत आह्वान गरे ।

 

मेनुका इन्डियन आइडलका कारण पछिल्लो समय चर्चामा छिन् । उनले सुरुवाती चरणमै ‘गोल्डेन माइक’ जितेकी थिइन् ।

Shangri-la Development Bank Ltd.
Nepali patro