सहकारी अभियान कठोर अनुशासनमा रहनु पर्ने

अर्थतन्त्रको एउटा भरोसायोग्य खम्बा सहकारी क्षेत्र अहिले धेरै समस्याहरुबाट जकडिए

44.7K
shares
Nabil bank

काठमाडौं।भूमि व्यवस्था, सहकारी तथा गरिबी निवारण मन्त्रालयका सचिव डा दामोदर रेग्मीले सहकारी अभियान र यसका अभियन्ताहरु कठोर अनुशासनमा रहनु पर्ने र कानूनको परिपालनामा सदा अव्वल रहनु पर्ने कुरा बताएका छन् ।

अर्थतन्त्रको एउटा भरोसायोग्य खम्बा सहकारी क्षेत्र अहिले धेरै समस्याहरुबाट जकडिएको र केही बचत तथा ऋण सहकारी संस्थाहरुले बचतकर्ताहरुको बचत फिर्ता नगर्ने र अर्थतन्त्रका नियमहरु पालना नगर्ने तथा सम्पत्ति शुध्दीकरण नियन्त्रणका क्षेत्रमा पहल नगरिदिदा सहकारी विभाग र भूमि व्यवस्था, सहकारी तथा गरिबी निवारण मन्त्रालयमा उजुरीहरु आउने गरेको प्रति अव सहकारी अभियन्ताहरु ले कानूनको परिपालनामा ध्यान दिनुपर्ने र बचत कर्ताको बचत असुरक्षा गर्ने सहकारी संस्थाहरु दण्डित हुनु पर्ने तथा यसमा सहकारी संघ र महासंघको सकारात्मक सहयोग रहनु पर्ने उनले बताए ।

सहकारीमा देखिएका यस्ता समस्याहरु हटाउने र स्वस्थ स्वच्छ अनुशासनमा आधारित सहकारी बनाउन भूमि व्यवस्था, सहकारी तथा गरिबी निवारण मन्त्रालयले प्रयास जारी गरेको छ । यसै क्रममा मन्त्रालयका सचिव डा दामोदर रेग्मीले गृहकार्यलाई घनीभूत बनाएका छन् । सचिव डा रेग्मीले एसियाली सहकारी ऋण महासंघकी प्रमुख कार्यकारी अधिकृत एलिनिता भि स्यान रोक्के र प्राविधक अधिकृत प्रमुख रञ्जित हित्तराची संगको भेटमा बचतकर्ताको बचत सुरक्षा गर्न र सहकारी अभियानले सम्पत्ति शुध्दीकरण नियन्त्रणमा सहकारी अभियन्ताहरुको भूमिका सकारात्मक रहनु पर्ने र यसमा एसियाली सहकारी ऋण महासंघको समेत भूमिका प्रभावकारी रहनु पर्ने बताए । एलिनिता र रञ्जितले नेपालको सहकारी अभियानलाई भरोसायोग्य बनाउन सचिव रेग्मीले थालेको प्रयासको प्रशंसा गर्दै यो कार्यमा एसियाली सहकारी ऋण महासंघको सदा सकारात्मक सहयोग रहने वताए ।

सहकारी विभागका रजिष्ट्रार रुद्प्रसाद पण्डितले सहकारीलाई सम्पत्ति शुध्दीकरणमुक्त बनाउन र बचतकर्ताको बचत सुरक्षा गर्न मन्त्रालय र विभाग क्रियाशील रहेको बताए । नेफ्स्कुनका अध्यक्ष पारितोष पौडेलले वित्तीय सहकारीताको आगामी कार्यदिशा सुरक्षित र शुध्द सहकारी अभियान भएको कुरा बताए । नेफ्स्कुनका प्रमुख कार्यकारी अधिकृत प्रकाश पोखरेलले बचतकर्ताको बचतको सुरक्षा र सम्पत्ति शुध्दीकरण नियन्त्रणका लागि नेफ्स्कुनले काम गरिरहेको वताए ।

राष्ट्रिय सहकारी महासंघकी महाप्रबन्धक चित्रा थाम्सुहांगले बचतकर्ताको बचतको सुरक्षा नगर्ने सहकारीलाइ कानूनी दायरामा ल्याउन महासंघले सहयोग गर्ने बताइन ।

civil hospital
Hams Hospitals
Subscribe
Notify of
guest

0 Comments
Oldest
Newest Most Voted
0
Would love your thoughts, please comment.x
()
x