गाउँको दूरदराजदेखि काठमाडौंको सिंहदरबारसम्म

काठमाडौं।गीतकार तथा कुशल प्रशासक डा. दामोदर रेग्मीको शव्द आनन्द कार्कीको स्वर तथा किरण कडेलको संगीत रहेको एक अञ्जुली मायाको उपहार छरिदेउ बोलको गीत आजवाट सार्वजनिक भएको छ । गीत सार्वजनिक हुनासाथ टिकटक लगायत सामाजिक संजालमा हजारौ भ्यू शेयर र लाइक भैसकेको छ ।

रोमान्टिक शैलीको गीत भएपनि यसअघिका गीतमा कम प्रयोग भएका शव्दहरु गीतमा प्रयोग गरिएको र ती शव्दहरुमा गायक र संगीतकारले गहनता बुझि कर्णप्रिय गीत बनेको गीतकार डा. दामोदर रेग्मीले बताए । नेपालको प्रशासन व्यवस्थापन र वित्त क्षेत्रको वारेमा नियमित कलम चलाउदै आएका डा. दामोदर रेग्मीको शव्द चयन अति आकर्षक रहेको र यसमा संगीतकार किरण कडेलले मेहनतपूर्वक संगीत भरिदिएकोले गीत धेरै राम्रो बनेको कुरा गायक आनन्द कार्कीले फेसवुक लाइभ मार्फत बताएका छन् ।

संगीतकार किरण कडेलले डा. दामोदर रेग्मी जस्तो कुशल लेखकको शव्दमा र चर्चित गायक आनन्द कार्कीको लागि संगीत भर्न पाउनु एउटा राम्रो अवसर भएको वताए ।