सिँचाइ आयोजनाका अध्यक्ष, उपाध्यक्ष र सचिव भ्रष्टाचार मुद्दामा दोषी ठहर

10.6K
shares
Nabil bank

काठमाडौँ । विशेष अदालतले मुगुको सोरु गाउँपालिका-५ स्थित नेर सिँचाइ आयोजनामा भ्रष्टाचार भएको ठहर गरेको छ ।

 

विशेष अदालतका न्यायाधीश खुशीप्रसाद थारु, रामबहादुर श्रेष्ठ र मुरारीबाबु श्रेष्ठको इजलासले आइतबार तत्कालीन उपभोक्ता समितिका अध्यक्ष तेजबहादुर शाही, उपाध्यक्ष हिराबहादुर शाही र सचिव तीर्थबहादुर शाहीलाई भ्रष्टाचार मुद्दामा दोषी ठहर गरेको हो ।

 

 

 

अख्तियार दुरुपयोग अनुसन्धान आयोगले पाँच लाख ६१ हजार रुपैयाँ बिगो कायम गरी मुद्दा दायर गरेको थियो । विशेष अदालतले उनीहरूलाई दामासाहीमा एक लाख १२ हजार २९६ रुपैयाँ ३९ पैसा जरिवाना हुने फैसला गरेको छ ।

 

उपभोक्ता समितिका प्रतिनिधिले लागत अनुमानभन्दा कम काम गरी फिल्डमा नभएको कार्य पनि भएको भन्दै भुक्तानीका निम्ति झुटो बिल पेस गरेका थिए ।

 

यस्तै, आयोजनाका सबइन्जिनियर नरबहादुर लावडलाई झुटो नापी तयार पार्न सघाएको ठहरसहित एक लाख १२ हजार २९६ रुपैयाँ ३९ पैसा जरिवाना र थप ६ महिना कैद तथा थप १० हजार रुपैयाँ जरिवाना हुने फैसला भएको छ ।

civil hospital
Hams Hospitals
Subscribe
Notify of
guest

0 Comments
Oldest
Newest Most Voted
0
Would love your thoughts, please comment.x
()
x