प्रहरी हबल्दार घुस रकमसहित अख्तियारको नियन्त्रणमा
वि.सं.२०८१ साउन ३२ शुक्रवार
11.9K
shares
shares
काठमाडौँ । अख्तियार दुरुपयोग अनुसन्धान आयोगले प्रहरी हबल्दार डुक बहादुर खड्कालाई घुससहित नियन्त्रणमा लिएको छ ।
प्रहरी चौकी भुजुवा, नवलपरासी (बु.सु.पश्चिम) दरबन्दी भई अस्थायी प्रहरी बिट भैरहवा बसपार्क, रुपन्देहीमा कार्यरत खड्कालाई १५ हजार घुससहित रोहिणी गाउँपालिका वडा नं.३ स्थित सिमरहा चौक नजिकबाट नियन्त्रणमा लिइएको हो ।
भारतबाट रुपन्देही जिल्लाको भगवानपुर नाका हुँदै भन्सार छली अवैधरुपमा घरायसी प्रयोजनका सामान ल्याउन सहजीकरण गर्ने प्रयोजनार्थ सेवाग्राहीसँग घुसररिसवत माग गरिरहेको भन्ने सूचना एवं उजुरी निवेदनका आधारमा अख्तियारको कार्यालय, बुटवलबाट खटिई गएको टोलीले खड्कालाई पक्राउ गरेको अख्तियारका प्रवक्ता नरहरि घिमिरेले जानकारी दिए । खड्कालाई नियन्त्रणमा लिएर थप अनुसन्धान भइरहेको अख्तियारले जनाएको छ।
Subscribe
0 Comments
Oldest































