गाउँको दूरदराजदेखि काठमाडौंको सिंहदरबारसम्म

काठमाडौँ । सशस्त्र प्रहरी जवानलाई घुस रकमसहित अख्तियार दुरुपयोग अनुसन्धान आयोगले नियन्त्रणमा लिएको छ ।

रुपन्देही, सशस्त्र प्रहरी बल नेपाल बोर्डर आउट पोष्ट मझगावामा कार्यरत प्रहरी जवान याम बहादुर खत्री घुस रकमसहित नियन्त्रणमा लिइएको हो ।

खत्रीले सीमा पारी भारतबाट भन्सार छली अवैधरुपमा कपडा तथा किराना सामान ल्याउने कार्यमा सहजीकरण गरिदिने भनी सेवाग्राहीसँग घुस लिएको अख्तियारको दाबी छ ।

सेवाग्राहीबाट लिएको पन्ध्र हजार रुपैयाँ घुस/रिसवत लिइसकेको अवस्थामा कोटहीमाई गाउँपालिका वडा नं. ५ बाट खत्रीलाई पक्राउ गरिएको अख्तियारका प्रवक्ता राजेन्द्र कुमार पौडेलले बताएका छन् ।