पूर्वअर्थमन्त्री पौडेल अझै हिरासतमै, अनुसन्धान नसकिएपछि फेरि म्याद थप

15.9K
shares
Nabil bank

काठमाडौं । सम्पत्ति शुद्धीकरण अनुसन्धानको घेरामा रहेका नेकपा एमालेका उपाध्यक्ष तथा पूर्वअर्थमन्त्री विष्णु पौडेललाई विशेष अदालतले थप ६ दिन हिरासतमा राखेर अनुसन्धान गर्न अनुमति दिएको छ।

विशेष अदालतका न्यायाधीश हेमन्त रावल, डिल्लीरत्न श्रेष्ठ र उमेश कोइरालाको संयुक्त इजलासले अनुसन्धान अझै बाँकी रहेको भन्दै बुधबार थप ६ दिनको म्याद दिएको हो।

पौडेललाई गत ८ गते सुर्खेतबाट पक्राउ गरिएको थियो। त्यसयता अनुसन्धानका लागि अदालतले क्रमशः ९ गते ७ दिन, १५ गते ३ दिन र अहिले पुनः ६ दिनको म्याद थप गरेको हो।

यसबीच, पौडेलकी पत्नीले उनको पक्राउ र हिरासतविरुद्ध सर्वोच्च अदालतमा बन्दी प्रत्यक्षीकरणको रिट दायर गरेकी छन्। उक्त रिट हाल विचाराधीन अवस्थामा रहेको छ।

सम्पत्ति शुद्धीकरणसम्बन्धी अनुसन्धान जारी रहेकाले अनुसन्धान निकायले आर्थिक कारोबार, सम्पत्तिको स्रोत तथा अन्य प्रमाणहरूको परीक्षण गरिरहेको जनाएको छ। अब थपिएको ६ दिनको अवधिमा अनुसन्धानलाई अन्तिम चरणमा पुर्‍याउने तयारी गरिएको छ।

राजनीतिक रूपमा चर्चित व्यक्तिमाथिको यो अनुसन्धानलाई चासोका साथ हेरिएको छ भने अन्तिम निष्कर्ष अनुसन्धान र अदालतको निर्णयबाट मात्रै स्पष्ट हुनेछ।

civil hospital
Hams Hospitals
Subscribe
Notify of
guest

0 Comments
Oldest
Newest Most Voted
0
Would love your thoughts, please comment.x
()
x