टिकटक चलाएरै करोडपति
वि.सं.२०७८ साउन ३१ आइतवार
shares
Photo By: PARIS, FRANCE - MARCH 05: In this photo illustration, the social media application logo, Tik Tok is displayed on the screen of an iPhone on March 05, 2019 in Paris, France. The social network broke the rules for the protection of children's online privacy (COPPA) and was fined $ 5.7 million. The fact TikTok criticized is quite serious in the United States, the platform, which currently has more than 500 million users worldwide, collected data that should not have asked minors. TikTok, also known as Douyin in China, is a media app for creating and sharing short videos. Owned by ByteDance, Tik Tok is a leading video platform in Asia, United States, and other parts of the world. In 2018, the application gained popularity and became the most downloaded app in the U.S. in October 2018. (Photo by Chesnot/Getty Images)
काठमाडौं। इन्टरनेट र सामाजिक संजालको माध्यमबाट केही मानिसहरु छोटो समयमै जमिनबाट आकाशसम्म पुग्न सफल भएका छन् । यस्तै कहानी खबाने लेमको पनि छ । उनी टिकटकमा भिडियो बनाएरै निधै चर्चित भएका छन् र मोटो रकम कमाएका छन् । रोचक त के भने उनी टिकटक भिडियोमा एक शब्द पनि बोल्दैनन् । उनका हाउभाउ मानिसहरुको दिमागमा यसरी बसेका छन् कि उनी सामाजिक संजालमा सुपरस्टार भइसकेका छन् ।
२१ वर्षका लेम १ वर्ष अगाडिसम्म कारखानामा मजदुर थिए । कोरोनाकालमा विश्वभरीका लाखौं मानिसहरुजस्तै उनले पनि जागिर गुमाए । न्यूयोर्क टाइम्ससँग कुरा गर्दै उनले भने ‘मेरो जागिर गएपछि सुरुमा त मलाई निकै धक्का लागेको थियो । तर, म सम्हालिएँ । म धेरै समय खाली भएपछि मैले यो समयको फाइदा उठाउने सोच बनाएँ । मलाई विचित्र कुराहरुप्रति प्रतिक्रिया दिन मन पर्थ्यो त्यसैले मैले दिनमा कैयौं घण्टा टिकटकमा भिडियो बनाएर बिताउन थालें ।’
केही समयपछि नै उनका भिडियो भाइरल हुन थाले । यससँगै उनको फलोइङ ह्वात्तै बढ्यो । अहिले लेमका टिकटकमा १०० मिलियनभन्दा धेरै फलोअर छन् । लेमका केही फलोअरले उनलाई आधुनिक समयका चार्ली च्याप्लिन भन्छन् किनकि चार्ली च्याप्लिन जस्तै उनी पनि आफ्ना भिडियोमा बोल्दैनन् । लेमका अनुसार उनका सबैभन्दा धेरै फ्यान दक्षिण अमेरिका र ब्राजिलमा छन् । लेमलाई कैयौं कम्पनीबाट कामको अफर पनि आएका छन् तर उनी अहिले आफूलाई एउटा ब्राण्डको रुपमा स्थापित गराउनेतर्फ ध्यान दिइरहेका छन् ।
२१ वर्षका लेम सेनेगलमा जन्मिएका हुन् । उनी सानै छँदा उनको परिवार सेनेगलबाट इटली आएको थियो । उनी अहिले इटलीको चिवासो सहरमा बस्छन् । १०० मिलियन फलोअर भएका लेम विश्वका दोस्रो सबैभन्दा सफल टिकटकर हुन् । १७ वर्षका चार्ली डी एमेले संसारकै सबैभन्दा प्रसिद्ध टिकटकर हुन् । उनका १२० मिलियन फलोअर छन् । एक रिपोर्टका अनुसार लेमले १ वर्षमै टिकटकबाट २ मिलियन डलर कमाइसकेका छन् ।
