गाउँको दूरदराजदेखि काठमाडौंको सिंहदरबारसम्म

काठमाडौं । साताको पहिलो कारोबार दिन आज नेपाली सेयर बजारमा सकारात्मक माहोल देखिएको छ । आज परिसूचकसँगै कारोबार रकम पनि बढेको छ ।

आज सेयर कारोबार मापक नेप्से परिसूचक ७३.०१ अंकले बढेर २७६५.४७ बिन्दुमा उक्लिएको छ । आज नेप्से २.७१ प्रतिशतले बढेको हो । ठूला कम्पनीहरुको कारोबार मापक सेन्सेटिभ परिसूचक १३.२१ बढेर ५१९.३७ बिन्दुमा पुगेको छ।

कुल २३९ कम्पनीको एक करोड ५० लाख ५८ हजार ६२१ कित्ता सेयर खरिदबिक्री हुँदा ७ अर्ब १० करोड १८ लाख ३१ हजार ५९१ रुपैयाँको कारोबार भएको हो।

आज १३ वटै उपसमूहको सेयर मूल्यमा हरियाली हुदाँ व्यापार समूहको सेयर मूल्य ६.०८ प्रतिशतले बढेको हो ।

त्यस्तै नेपाल हाइड्रो डेभलपर्स र हिमालयन ऊर्जा विकास कम्पनीको सेयर मूल्यमा सकारात्मक सर्किट लाग्दा अपि पावर कम्पनीको सर्वाधिक कारोबार भएको छ । कम्पनीले २९ करोडभन्दा बढी रुपैयाँको कारोबार गरेको छ ।