युराे कपका नकआउट चरणका खेलहरू आजबाट सुरु हुँदै
वि.सं.२०७८ असार १२ शनिवार
shares
एजेन्सी । युरो कप फुटबल अन्तर्गतका नकआउट चरणका खेलहरु आजबाट सुरु हुँदैछन्।
पहिलो खेलमा आज राति पौने १० बजे वेल्स र डेनमार्कले नेदरल्यान्ड्सको जोहान क्रुफ एरिनामा खेल्दैछन् । समूह ए को दोस्रो स्थानमा रहँदै अन्तिम १६ मा पुगेको वेल्सले समूह बी को दोस्रो स्थानबाट अन्तिम १६ मा पुगेको डेनमार्कसँग खेल्न लागेको हो ।
समूह चरणका खेलमा डेनमार्कले रुसलाई र फिनल्यान्डलाई हराएको थियो भने बेल्जियमसँग पराजित भएको थियो । यस्तै वेल्सले स्विजरल्यान्डसँग बराबरी र टर्कीलाई हराएको थियो, भने इटलीसँग पराजित भएको थियो ।
यस्तै युरो कपमै राति पौने १ बजे इङ्ल्यान्डको वेम्बली स्टेडियममा इटली र अस्ट्रिया खेल्दैछन् । इटलीले समूह चरणका तीनवटै खेल जितेको थियो । अस्ट्रियाले नर्थ म्यासेडोनिया र युक्रेनलाई हराएको थियो, भने नेदरल्याण्ड्ससँग पराजित भएको थियो ।
