अफगानिस्तानको महिला फुटबल टिमका सदस्यहरुको उद्धारका लागि पहल
वि.सं.२०७८ भदौ ६ आइतवार
shares
एजेन्सी । विश्व फुटबलको प्रशासकीय निकाय फिफाले अफगानिस्तानको महिला फुटबल टिमका सदस्यहरुको उद्धारका लागि विश्वका विभिन्न देशका सरकारलाई पत्र लेखेको छ ।
तालिबानको नियन्त्रणमा आएको अफगानिस्तान महिला फुटबलरका लागि जोखिमपूर्ण रहेको भन्दै फिफाले उद्धारका लागि आग्रह गरेको हो ।
खेलाडीहरुले आफ्नो जीवन जोखिममा परेको भन्दै सहयोगका लागि अपील गरेका छन् । खेलाडीहरुको संस्था फिपप्रोले पनि सहयोगका लागि आह्वान गरेको छ ।
उद्धार योजनाका लागि सरकारहरुसँग सम्पर्क गरिएको र जति सक्दो धेरैको उद्धार गर्ने प्रयास भइरहेको फिपप्रोले उल्लेख गरेको छ। फिफाले अफगानिस्तानको अवस्था अस्थिर र निकै चिन्ताजनक रहेको बताएको छ।
गएको हप्ताको आइतबार तालिबानले राजधानी काबुल नियन्त्रणमा लिएसँगै धेरै खेलाडीहरु सार्वजनिक हुन चाहेका छैनन्। अफगानिस्तानमा सन् २००७ मा पहिलो राष्ट्रिय महिला टोली बनाइएको थियो।
