गाउँको दूरदराजदेखि काठमाडौंको सिंहदरबारसम्म

काठमाडौँ । अस्ट्रेलिया आइसीसी टी-२० विश्वकपको फाइनलमा पुगेको छ । विहीबार राति सम्पन्न दोस्रो सेमिफाइनलमा अस्ट्रेलियाले पाकिस्तानलाई ५ विकेटले पराजित गरेको हो ।

पाकिस्तानले दिएको १७७ रनको लक्ष्य पछाएको अस्ट्रेलियाले १९ ओभरमा ५ विकेट गुमाउदै लक्ष्य पुरा गरेको हो । अस्ट्रेलियाका लागिडेभिड वार्नरले ४९ रन बनाए भने कप्तान एरोन फिन्च शुन्य, मिचेल मार्श २८, स्टेभन स्मिथ ५, ग्लेन म्याक्वेलले ७ रन बनाएका थिए ।

त्यसैगरी मार्कस स्टोनिसले अविजित ४० र म्याथ्यु वाडेले १७ बलमा अविजित ४१ रन बनाएपछि जीत सम्भव भएकाे हाे । त्यसैगरी पाकिस्तानका बलर शडाब खानले ४ विकेट लिएका थिए भने शाहीन शाह अफ्रिदीले एक विकेट लिए ।

यसअघि टस हारेर पहिला ब्याटिंग गरेको पाकिस्तानले अस्ट्रेलियालाई १७७ रनको लक्ष्य दिएको थियो । पाकिस्तानले २० ओभरमा ४ विकेट गुमाउदै १७७ रन बनाएको हो । पाकिस्तानका लागि मोहमद रिजवानले सर्बाधिक ६७ रन बनाएका थिए ।

त्यस्तै कप्तान बाबर आजमले ३९ रन बनाए भने फखर जमानले अविजित ५५ रन जाेडे । त्यस्तै आसिफ अली शुन्यमा आउट भए भने शोएब मल्लिक र मोहमद हाफिजले एक एक रन बनाएका थिए।

त्यस्तै अष्ट्रेलियाका बलर मिचेल स्टार्कले २ विकेट लिए भने पाट कमिन्स र एडम जाम्पाले एक एक विकेट लिएका थिए । अब फाइनलमा अस्ट्रेलिया र न्यूजील्याण्ड खेल्ने छन् । फाइनल खेल आगामी आइतबार दुबइमा हुनेछ ।