कविता:वहिष्कार
वि.सं.२०८२ माघ २२ बिहीवार
501
shares
shares
मैले उद्घोष गरें
मतदान वहिष्कारको
मलाई आतंककारी घोषित गरी
रेडकर्नर नोटिश जारी गर
सुपुर्दगी गराउ
जेलमा कोच
अनि कोर्रा हान
तिम्रो कथित प्रजातन्त्रको ।
म निभ्ने छैन
म दीपशिखा हँु
सामन्त्याँई प्रवृत्ति जलाउने
म हार्ने छैन युद्ध
जन्मन्छन सयौ योद्धा
तिम्रो कू्ररताले सीमा नाघे पछि ।
म विद्रोहको जुलुस निकाल्छु
सयौ दुःखी मान्छेहरु
जुलुसमा सामेल हुुन्छन
वर्षौ देखिको दमित आवाज विष्फोटित गराउँदै
जिन्दावाद र मुर्दावादको नारा लगाउँछन
तिम्रो सत्ता हल्लने गरी ।
तिमी अधिनायकवादी कठपुतली हौ
जता नँचायो त्यतै नाँच्ने
तिमी भतुवा रहेछौ
साम्राज्यवादीहरुको तलुवा चाट्ने
तिम्रो अनुहारमा निरङकुशता झल्कन्छ
मानव अधिकारको दुहाई दिएर
मानव अधिकार उल्लङघन गर्छौ तिमी ।
मेरो मुस्कान खोसिएको छ
खोसिएको छ गाँस
उठाइएको छ बास
स्वतन्त्रता अपहरित गरी
यात्रामा अवरोध हालिएको छ ।
म भाँच्ने छु
अवरोधका तगाराहरु
म गाउँने छु
स्वतन्त्रताको गीत
कदमको रफ्तार रोकिने छैन
म उक्लने छु हिम्मतको चुचुरो
अनि टेक्ने छु विजयको क्षितिज ।
जनजीविकाको सवाल उस्तै छ
भ्रष्टाचारको खेल चलेकै छ
धनसिंको बस्ने ओत छैन
बुधुनीको आफ्नो जमिन छैन
सुकेनाशले चाउरिएका छन बच्चाहरु
गाउँमा पाठशाला छैन
अन्धकारमा डुवेका छन बस्तिहरु
मान्छेहरुमा बेचैनी छ
अभावको लौरोले कोर्रा हान्दा
तिमी वेमौसमी भोट माग्छौ
म दिन्न भोट
चोरका खन्ती जस्ता अनुहार लिएर
तिमी मेरो सामुन्ने नआउ
नमाग भोट
म मतदान वहिष्कार गर्छु
वहिष्कारको हक सुरक्षित राख्दै ।
सुन्दरहरैंचा –६, दुलारी, मोरङ
९८४२०७३५२५
