हाइकुहरू
वि.सं.२०८३ वैशाख ६ आइतवार
shares
१.
स्वार्थ मरेपछि
मनभित्र शान्ति फुल्छ
मानवता जाग्छ।
२.
त्यागको बाटो
कठिन तर उज्यालो
समृद्धि त्यहीँ।
३.
अहंकार टुट्छ
सहानुभूति जन्मिन्छ
समाज बन्छ।
४.
निःस्वार्थ कर्म
नदीजस्तै बगिरहन्छ
जीवन सिँचिन्छ।
५.
‘मेरो’ हरायो
‘हाम्रो’ले रूप लियो
विश्व मुस्कायो।
६.
त्यागको पीडा
भोलिको उज्यालो हो
शान्तिको बीउ।
७.
मनको सीमा
करुणाले तोडिदिन्छ
मानव एकै।
८.
स्वार्थको छाया
अन्धकार फैलाउँछ
त्यागले उज्यालो।
९.
शून्य इच्छामा
पूर्णता भेटिन्छ
आत्मा हाँस्छ
१०.
समर्पणमा
जीवनको सार भेटिन्छ
सुख गहिरिन्छ।
११.
लोभले बाँध्छ
त्यागले मुक्त बनाउँछ
मन उड्छ।
१२.
नदीझैँ सेवा
निरन्तर बगिरहोस्
समाज हरियो।
१३.
अहंको पर्खाल
त्यागले भत्काउँछ
मिलन जन्मिन्छ।
१४.
सानो त्यागले
ठूलो परिवर्तन ल्याउँछ
इतिहास लेख्छ।
१५.
करुणा बग्छ
मनदेखि मनसम्म
दूरी हराउँछ।
१६.
त्यागको दीप
अन्धकार चिर्दै जान्छ
मार्ग देखाउँछ।
१७.
स्वार्थको भार
त्यागले हलुका बनाउँछ
जीवन हल्का।
१८.
निःस्वार्थ सोच
शान्तिको आधार हो
विश्व टिक्छ।
१९.
मन शुद्ध हुँदा
समाज पनि उज्यालो
समृद्धि फुल्छ
२०.
जहाँ त्याग छ
त्यहीँ प्रेम उम्रिन्छ
जीवन सार्थक।
