गाउँको दूरदराजदेखि काठमाडौंको सिंहदरबारसम्म

काठमाडौं । साताको अन्तिम कारोबार दिन नेपाल स्टक एक्सचेञ्ज (नेप्से) परिसूचक सामान्य सुधारसहित हरियो अंकमा बन्द भएको छ। शुक्रबार नेप्से ७.९० अंक अर्थात् ०.२८ प्रतिशतले बढेर २,७३४.६३ विन्दुमा पुगेको हो।

दिनभर बजारमा उतारचढाव देखिए पनि अन्तिम समयमा खरिदकर्ता सक्रिय बन्दा बजार सकारात्मक अवस्थामा बन्द भएको हो। यसले लगानीकर्ताको मनोबल केही सुधारिएको संकेत गरेको छ।

आज कुल ६ अर्ब २६ करोड ७२ लाख रुपैयाँभन्दा बढी बराबरको शेयर कारोबार भएको छ। यस अवधिमा १ करोड ३७ लाखभन्दा बढी कित्ता शेयर किनबेच भएको नेप्सेले जनाएको छ।

कारोबार भएका कम्पनीमध्ये १५२ कम्पनीको शेयर मूल्य बढेको छ भने १०९ कम्पनीको मूल्य घटेको छ। १५ कम्पनीको शेयर मूल्य स्थिर रहेको छ।

साताको अन्तिम दिन बजार हरियो रहे पनि आगामी सातामा लगानीकर्ताको मनोविज्ञान, कम्पनीहरूको वित्तीय विवरण तथा समग्र आर्थिक गतिविधिले बजारको आगामी दिशा निर्धारण गर्ने अपेक्षा गरिएको छ।