गाउँको दूरदराजदेखि काठमाडौंको सिंहदरबारसम्म

काठमाडौं । कुमारी बैंक लिमिटेडले ग्राहकलाई थप आधुनिक डिजिटल सेवा उपलब्ध गराउने उद्देश्यले नेपालस्थित प्रविधि कम्पनी **निम्बज (Nimbuzz/Kurakani Online Pvt. Ltd.)**सँग सहकार्य सम्झौता गरेको छ। यस सहकार्यसँगै निम्बजका अन्तर्राष्ट्रिय eSIM तथा International Driving Permit (IDP) सम्बन्धी सेवा कुमारी बैंकको मोबाइल बैंकिङ एपमा एकीकृत गरिएको बैंकले जनाएको छ।

सम्झौतापछि कुमारी बैंकका ग्राहकहरूले मोबाइल बैंकिङ एपबाटै सहज रूपमा अन्तर्राष्ट्रिय eSIM डेटा प्याकेज खरिद गर्न तथा अन्तर्राष्ट्रिय ड्राइभिङ परमिट (IDP) का लागि आवेदन दिन सक्नेछन्। विदेश यात्रा गर्ने, अध्ययनका लागि जाने, वैदेशिक रोजगारीमा रहेका तथा व्यावसायिक प्रयोजनका लागि नियमित विदेश आवतजावत गर्ने नेपालीका लागि यो सेवा उपयोगी हुने बैंकको विश्वास छ।

बैंकका अनुसार eSIM सेवामार्फत विदेश पुगेपछि स्थानीय सिम कार्ड खरिद वा परिवर्तन गर्नुपर्ने झन्झट हट्नेछ भने IDP सेवाले अन्तर्राष्ट्रिय ड्राइभिङ अनुमति प्राप्त गर्ने प्रक्रियालाई अझ सरल, छिटो र व्यवस्थित बनाउनेछ।

यस सेवाको अर्को विशेषता ग्राहकहरूले eSIM र IDP सेवाको शुल्क कुमारी बैंकको मोबाइल बैंकिङ एपमार्फत नेपाली रुपैयाँमै भुक्तानी गर्न सक्ने व्यवस्था हो। यसले विदेशी मुद्रा भुक्तानीका वैकल्पिक माध्यमको आवश्यकता घटाउँदै सेवा उपयोगलाई थप सहज, सुरक्षित र ग्राहकमैत्री बनाउने अपेक्षा गरिएको छ।

विगत २५ वर्षदेखि बैंकिङ सेवा प्रदान गर्दै आएको कुमारी बैंकले हाल देशभर २८५ शाखा, ४१ विस्तार काउन्टर, ३०३ एटीएम र ४० शाखारहित बैंकिङ सेवा मार्फत लाखौं ग्राहकलाई सेवा दिँदै आएको जनाएको छ। बैंकले डिजिटल रूपान्तरणलाई प्राथमिकतामा राख्दै ग्राहकको बदलिँदो आवश्यकताअनुसार नवीन प्रविधिमैत्री सेवा विस्तार गरिरहेको उल्लेख गरेको छ।