गाउँको दूरदराजदेखि काठमाडौंको सिंहदरबारसम्म

काठमाडौं । भूमि व्यवस्था, सहकारी, संघीय मामिला तथा सामान्य प्रशासन मन्त्रालयले राजपत्राङ्कित द्वितीय श्रेणीका २६ जना कर्मचारीको सरुवा तथा कामकाजमा खटाउने निर्णय गरेको छ।

मन्त्रालयको भदौ २६ गतेको निर्णयअनुसार विभिन्न मन्त्रालय, आयोग, विभाग, जिल्ला प्रशासन कार्यालय तथा स्थानीय तहमा कार्यरत उपसचिव तथा सोसरहका कर्मचारीको जिम्मेवारी हेरफेर गरिएको हो।

सरुवा तथा कामकाजमा खटाइएकामध्ये १६ जना प्रमुख प्रशासकीय अधिकृत रहेका छन्। त्यस्तै उपसचिव, एक निर्देशक र जिल्ला समन्वय अधिकारीसमेतको जिम्मेवारी परिवर्तन गरिएको मन्त्रालयले जनाएको छ।

मन्त्रालयले संघीय निजामती प्रशासनअन्तर्गतका कर्मचारीलाई आवश्यकता र कार्यसम्पादनको आधारमा विभिन्न कार्यालय तथा स्थानीय तहमा खटाएको हो। सरुवासँगै सम्बन्धित कार्यालय तथा स्थानीय तहको प्रशासनिक नेतृत्वमा समेत परिवर्तन भएको छ।

नयाँ जिम्मेवारी पाएका कर्मचारीहरूले सम्बन्धित कार्यालयमा हाजिर भई प्रशासनिक तथा सेवा प्रवाहसम्बन्धी काम अघि बढाउनेछन्।

मन्त्रालयले पछिल्लो समय संघ, प्रदेश र स्थानीय तहमा कार्यरत उपसचिव तथा सोसरहका कर्मचारीको सरुवा तथा पदस्थापनलाई निरन्तरता दिँदै आएको छ।