गाउँको दूरदराजदेखि काठमाडौंको सिंहदरबारसम्म

काठमाडौं । नेपालका लागि टीभीएस दुईपांग्रे सवारीसाधनको आधिकारिक वितरक जगदम्बा मोटर्स प्रा. लि.ले दशैंलाई लक्षित गर्दै विशेष चाडपर्व योजना ‘TVS Golden Key’ सार्वजनिक गरेको छ।

दशैंको अवसरमा टीभीएस मोटरसाइकल तथा स्कुटर खरिद गर्ने ग्राहकलाई लक्षित गरी ल्याइएको यस योजनामा प्रत्येक ग्राहकले तीनमध्ये कुनै एक निश्चित पुरस्कार प्राप्त गर्ने कम्पनीले जनाएको छ।

योजनाअन्तर्गत टीभीएसका कुनै पनि मोटरसाइकल वा स्कुटर खरिद गर्ने ग्राहकले रु. १० लाखसम्म नगद छुट, Gold Key वा खरिद मूल्यको १०० प्रतिशतसम्म क्यासब्याकमध्ये कुनै एक निश्चित पुरस्कार प्राप्त गर्नेछन्। हरेक खरिदमा निश्चित पुरस्कार सुनिश्चित गरिएको कम्पनीको भनाइ छ।

त्यस्तै, योजनामा दैनिक लक्की ड्र समेत समावेश गरिएको छ। दैनिक रूपमा दुई जना ग्राहकले ५ वर्षसम्म निःशुल्क सर्भिस प्राप्त गर्ने अवसर पाउनेछन्। यसले सवारीसाधन खरिदपछि पनि ग्राहकलाई दीर्घकालीन सेवाको अतिरिक्त लाभ उपलब्ध गराउने कम्पनीले जनाएको छ।

दशैंको समयमा टीभीएसका नयाँ मोटरसाइकल तथा स्कुटर खरिदलाई सहज बनाउन सहज फाइनान्स सुविधा समेत उपलब्ध गराइएको छ। फाइनान्स सुविधा सम्बन्धित नियम तथा सर्तअनुसार लागू हुने कम्पनीले स्पष्ट पारेको छ।

योजनाको शुभारम्भका अवसरमा जगदम्बा मोटर्सका उपाध्यक्ष दीपक रौनियारले दशैं नयाँ सुरुवात र पारिवारिक खुसीको पर्व भएकाले ग्राहकको चाडपर्वलाई थप विशेष बनाउन योजना ल्याइएको बताए।

उनले भने, “TVS Golden Key मार्फत प्रत्येक ग्राहकले निश्चित पुरस्कार प्राप्त गर्नुहुनेछ। साथै, दैनिक लक्की ड्रमार्फत दीर्घकालीन सर्भिस लाभ जित्ने अतिरिक्त अवसर पनि प्राप्त हुनेछ। यस योजनाले नयाँ टीभीएस दुईपांग्रे सवारीसाधन खरिद गर्ने अनुभवलाई अझ रोमाञ्चक र फलदायी बनाउने हाम्रो विश्वास छ।”

त्यसैगरी, जगदम्बा मोटर्सका कार्यकारी निर्देशक अखिल गुप्ताले ग्राहकलाई केन्द्रमा राखेर योजना ल्याइएको बताए। उनका अनुसार निश्चित पुरस्कार, दैनिक लक्की ड्र र सहज फाइनान्स सुविधाले टीभीएस सवारीसाधनको स्वामित्वलाई थप सहज र आकर्षक बनाउनेछ।

जगदम्बा मोटर्स नेपालमा TVS मोटर कम्पनीको आधिकारिक वितरकका रूपमा काम गर्दै आएको कम्पनी हो। राष्ट्रव्यापी बिक्री तथा सेवा सञ्जालमार्फत टीभीएसका विभिन्न मोटरसाइकल तथा स्कुटर नेपाली बजारमा उपलब्ध गराउँदै आएको छ।