गाउँको दूरदराजदेखि काठमाडौंको सिंहदरबारसम्म

प्रिमियर लिगको शीर्ष स्थानकाे म्यानचेष्टर सिटी घरेलु मैदानमै लिड्स युनाइटेडसँग पराजित भएको छ ।

इत्तेहाद स्टेडियममा भएको खेलको ४२औं मिनेटमा स्टुअर्ट डल्लासले गोल गर्दै लिड्सलाई अग्रता दिलाएका थिए । पहिलो हाफको इन्जुरी टाइममा लियम कुपरले रातो कार्ड पाएपछि लिड्स दश खेलाडीमा समेटियो ।

दोस्रो हाफमा दुवै टोलीले एक एक गोल गर्‍यो । ७६औं मिनेटमा फेरान टोरेसले सिटीका लागि बराबरी गोल गरे । तर दश खेलाडीमा सिमित लिड्सका डल्लासले खेलको इन्जुरी टाइममा व्यक्तिगत दोस्रो गोल गर्दै २-१ को जित दिलाए । जित संगै लिड्स ३१ खेलबाट ४५ अंकसहित १०औं स्थानमा छ ।

भन्ने हारका बाबजुद सिटी ३२ खेलबाट ७४ अंकसहित शीर्ष स्थानमा कायमै छ । ३० खेलबाट ६० अंक जोडेको म्यानचेष्टर युनाइटेड दोस्रो स्थानमा छ ।