गाउँको दूरदराजदेखि काठमाडौंको सिंहदरबारसम्म

एजेन्सी।इटालियन फुटबल क्लब युभेन्टसले प्रशिक्षक आन्द्रे पिर्लोलाई बर्खास्त गरेको छ।

अब पिर्लाेका ठाउँमा युभेन्टसकाे प्रशिक्षककाे रुपमा एलेग्री रहने जनाइएको छ ।

४२ वर्षीय पिर्लो यस सिजनको शुरुवातमा युभेन्टसमा आवद्द भएका थिए । उनले माउरिजियो सारीलाई प्रतिस्थापन गरेका थिए ।

सन् २०१२ पछि पहिलो पटक लिग उपाधि जित्न नसकेपछि क्लबले पिर्लोलाई जिम्मेवारीबाट मुक्त गरेको हो । युभेन्टसले यस सिजन लिगको अन्तिम चरणमा अन्य टोलीको भर परेर च्याम्पियन्स लिगमा स्थान बनाएको थियो ।

पिर्लोले इटालीको राष्ट्रिय टोलीका लागि १ सय १६ खेल खेलेका थिए । उनले सन् २००६ को विश्वकप जिताउँदा प्रभावशाली प्रदर्शन गरेका थिए । पिर्लाे युभेन्टसका पुर्व खेलाडी समेत हुन् ।