गाउँको दूरदराजदेखि काठमाडौंको सिंहदरबारसम्म

काठमाडौँ। निषेधाज्ञा खुकुलो भएसँगै माग बढ्दै गर्दा पर्याप्त मात्रामा कुखुराको उत्पादन हुन नसक्दा बजारमा मासुको मूल्य फेरि बढ्न थालेको छ ।

मंगबारदेखि बजारमा लागु हुने गरी जिउँदो ब्रोइलर कुखुराको कोल्ड स्टोर खरिद मूल्य प्रतिकेजी १० रुपैयाँले बढेको राष्ट्रिय कुखुरा बिक्री व्यवसाय संघले जनाएको छ ।

त्यस्तै नयाँ मूल्य अनुसार जिउँदो कुखुरा प्रतिकेजी २ सय ५० रुपैयाँ भएको छ, भने तयारी मासुको उपभोक्ता मूल्य प्रतिकेजी ३ सय ५० रुपैयाँ कायम भएको छ ।

नयाँ लटका कुखुराहरु उत्पादन नभएपछि कुखुराको मासुको मूल्य बढ्ने क्रममा नै रहेको राष्ट्रिय कुखुरा बिक्री व्यवसाय संघका सचिव देव गिरीले बताए ।