हाइकुहरू
वि.सं.२०८३ असोज २१ बुधवार
shares
१.
आकाश चिर्दै
ब्यालिस्टिक मिसाइल
घर खोज्दैछ।
२.
फलामको पखेटा
शान्त शहरमाथि
मृत्यु झर्छ।
३.
आकाश रातो
मिसाइलको गर्जन
बालक रोयो।
४.
सीमा बल्छ
धुवाँभित्र हरायो
मानव अनुहार।
५.
मिसाइल उड्यो
आमाको आँखाभित्र
घर जल्यो।
६.
युद्धको बादल
फलामभन्दा भारी
मानव आँसु।
७.
आकाशभरि
मृत्युको रेखा कोर्दै
शान्ति खोजिन्छ।
८.
एक मिसाइल
हजार सपना च्यात्छ
रात मौन छ।
९.
बारुदको गन्ध
मानवताको छातीमा
कालो दाग।
१०.
फलाम बोल्यो
करुणा चुप लाग्दा
शहर ढल्यो।
११.
मिसाइल गर्ज्यो
पृथ्वीले सोधिरही
मान्छे कहाँ छन्?
१२.
सीमापारि पनि
एउटै आमाको आँसु
एउटै आकाश।
१३.
युद्ध जितियो
तर खाली घरभित्र
को फर्कियो?
१४.
बंकरभित्र
बालकले चित्र कोर्यो
शान्तिको झन्डा।
१५.
आकाश काँप्यो
पृथ्वीको काखमा
डर जन्मियो।
१६.
मिसाइलभन्दा
तीखो हुनुपर्छ
मानव विवेक।
१७.
फलामका अस्त्र
हृदय जित्न सक्दैनन्
प्रेम बाँच्छ।
१८.
धुवाँको पर्दा
मानवताको अनुहार
अझै खोज्दैछ।
१९.
युद्धको नक्सा
आँसुले कोरिएको
कुन विजय हो?
२०.
मिसाइल झर्यो
तर आमाको प्रार्थना
आकाशमै रह्यो।
२१.
बारुद बोकेर
सभ्यता दौडिरहेछ
मानवता पछि।
२२.
एक बटन थिच्दा
हजारौँ धड्कनमाथि
निर्णय हुन्छ।
२३.
फलामको शक्ति
करुणाविहीन हुँदा
आफैं विनाश।
२४.
आकाश शान्त
मिसाइल थन्किएको
मानवता जागी।
२५.
युद्ध रोकियो
पृथ्वीले फेरि सुन्यो
बालकको हाँसो।
