त्रिदेशीय अन्तर्राष्ट्रिय ट्वान्टी २० शृंखला : नेपालसँग पीएनजी पराजित
वि.सं.२०७८ चैत १४ सोमवार
काठमाडौं । नेपालले त्रिदेशीय अन्तर्राष्ट्रिय ट्वान्टी २० शृंखलाको पहिलो खेलमा पपुवा न्यु गिनी (पीएनजी) लाई १५ रनले पराजित गरेको छ ।
कीर्तिपुरस्थित त्रिवि क्रिकेट मैदानमा नेपालले दिएको एक सय ८४ रनको लक्ष्य पछ्याएको पीएनजीले १९ ओभर दुई बलमा सबै विकेट गुमाएर एक सय ६८ रन मात्र बनायो ।
पीएनजीविरुद्ध बलिङमा सन्दीप र करण केसीले समान तीन विकेट लिए । यसबाहेक अविनाश बोहराले दुई र सोमपाल कामीले एक विकेट लिए ।
जितसँगै नेपालले ट्वान्टी २० शृंखलामा सुखद् सुरुआत गरेको छ । शृंखलामा नेपाल, पीएनजी र मलेसिया सहभागी छन् ।
वि.सं.२०७८ चैत १४ सोमवार १६:३९