गाउँको दूरदराजदेखि काठमाडौंको सिंहदरबारसम्म

काठमाडौँ । लियोन फ्रेन्च लिग वान फुटबलको शीर्ष स्थानमा उक्लिएको छ । गएराति भएको खेलमा बोर्डेअक्सलाई २–१ गोल अन्तरले हराउँदै लियोन शीर्ष स्थानमा उक्लिएको हो ।

घरेलु मैदानमा लियोनलाई जित दिलाउन कार्ला टोको इकाम्वी र लियो डुवोइसले एक एक गोल गरे । बोर्डेअक्सका स्यामुएल कालुले एक गोल फर्काए ।

यो जितसँगै लियोन पेरिस सेन्ट जर्मेन (पीएसजी)लाई १ अंकले पछि पार्दै शीर्षस्थानमा उक्लिएको हो । लियोनको २२ खेलबाट ४६ अंक पुगेको छ भने एक खेल कम खेलेको पीएसजीको ४५ अंक छ । लियोनसँग पराजित भएको बोर्डेअक्स ३२ अंक जोडेर सातौँ स्थानमा रहेको छ ।