गाउँको दुरदराजदेखि काठमाडौंको सिंहदरबारसम्म

काठमाडौँ । स्पेनिस ला लिगा अन्तर्गत बार्सिलोनाले एथलेटिक क्लबलाई पराजित गरेको छ । गएराती सम्पन्न खेलमा बार्सिलोनाले एथलेटिक क्लबलाई २-१ गोल अन्तरले पराजित गरेको हो ।

बार्सिलोनाको जितमा लियोनेल मेसी र एन्टोनी ग्रीजम्यानले एक एक गोल गरेका थिए । एथलेटिकका लागि एक गोल बार्सिलोनाकै जोर्डी अल्बाले आत्मघाती गोल गरेका थिए ।

यो जितपछि बार्सिलोना ला लिगाको अंक तालिकामा दोस्रो स्थानमा उक्लिएको छ ।

बार्सिलोनाको २० खेलमा ४० अंक भएको छ भने तेस्रो स्थानमा झरेको रियल म्याड्रिडको पनि २० खेलमा ४० अंक नै रहेको छ । त्यस्तै शीर्ष स्थानमा रहेको एटलेटिको म्याड्रिडको भने १९ खेलमा ५० अंक रहेको छ ।