गाउँको दुरदराजदेखि काठमाडौंको सिंहदरबारसम्म

सिन्धुपाल्चोक। नक्कली पैसा छाप्ने मेसिन सहित ईलाका प्रहरी कार्यालय मेलम्चीले आज एक व्यक्ति पक्राउ गरेकाे छ ।

पक्राउ पर्नेमा मेलम्ची नगरपालिका वडा नम्बर १३ का राजाराम दनुवार रहेको प्रहरी कार्यालय मेलम्चीका प्रहरी निरीक्षक फल बहादुर तामाङले जानकारी दिनुभयो ।

विशेष सुराकीको आधारमा उनलाई मेलम्ची नगरपालिका वडा नम्बर १२ को बि.आर.एस मोबाइल हाउसबाट पक्राउ गरिएको निरीक्षक तामाङले जानकारी दिनुभयो । पक्राउ परेका दनुवारलाई थप अनुसन्धानको लागि जिल्ला प्रहरी कार्यालय पठाइएको निरीक्षक तामाङले जानकारी दिनुभयो ।

मेलम्चीमा प्रहरी निरीक्षक फल बहादुर तामाङ आए संगै विभिन्न अपराधमा संलग्न भइ फरार रहेका अभियुक्त धमाधम पक्राउ परिरहेका छन् ।