गाउँको दूरदराजदेखि काठमाडौंको सिंहदरबारसम्म

टोकियो । साविकको विजेता ब्राजिल लगातार तेस्रो संस्करण ओलम्पिकअन्तर्गतको फुटबलतर्फ पुरुष यू–२३ तर्फको फाइनलमा प्रवेश गरेको छ । कासिमा सकर स्टेडियममा मंगलबार भएको टोकियो ओलम्पिक २०२० अन्तर्गत पुरुष फुटबलतर्फको पहिलो सेमिफाइनलमा मेक्सिकोको यू–२३ टोलीलाई पेनाल्टी सुटआउटमा ४–१ ले पराजित गर्दै ब्राजिलको यू–२३ टोली लगातार तेस्रो संस्करणको ओलम्पिकको फाइनलमा पुग्न सफल भएको हो ।

ब्राजिल सन् २०१२ र २०१६ मा फाइनलमा पुग्दा २०१६ मा स्वर्ण जित्न सफल भएको थियो । निर्धारित ९० मिनेट र त्यसपछिको ३० मिनेट अतिरिक्त समय पनि गोलरहित बराबरीमा टुंगिएपछि खेल टाइब्रेकरमा पुगेको थियो । ब्राजिलको सबै ४ प्रहार गोलमा परिणत हुँदा मेक्सिकोले भने सुरुवाती दुई प्रहारमा गोल गर्न सकेन । ब्राजिलका लागि कप्तान ड्यानी आल्भेसले पहिलो प्रहार नै गोलमा परिणत गरेका थिए ।

त्यसपछि मेक्सिकोका एडुआर्डो अगिएरको प्रहार गोलरक्षक अबेर्दार सान्तोषले विफल पारे । ब्राजिलका ग्याब्रिएल मार्टिनेलीले दोस्रो प्रहारमा गोल गर्दा जोहान भास्केजको प्रहार पोस्टमा लाग्दै बाहिरियो । त्यसपछि ब्रुनो गुइमारेसले गोल गर्दै ब्राजिललाई जितको संघारमा पु¥याए । मेक्सिकोका कार्लोस रोड्रिग्वेजको प्रहार गोल भए पनि त्यसपछि रेनिएरले गोल गर्दै ब्राजिललाई फाइनलसम्म पु¥याए ।

राजधानी दैनिकमा समाचार छ।