गाउँको दूरदराजदेखि काठमाडौंको सिंहदरबारसम्म

काठमाडौं । आज (सोमबार) सेयर बजारमा गिरावट आएकाे छ । बैंक तथा वित्तीय संस्थाहरुले ब्याजदर प्रकाशन गरेसँगै यसको प्रभाव बजारमा देखिएको हो ।

आज सेयर कारोबार मापक नेप्से परिसूचक ६९.५१ अंकले घटेर २५८७.४५ बिन्दुमा पुगेको छ । आज नेप्से २.६२ प्रतिशतले घटेको हो । त्यस्तै, सेन्सेटिभ परिसूचक १२.४३ अंकले घटेर ४८४.९३ बिन्दुमा पुगेको छ ।

सोमबार कुल २१८ कम्पनीको ८७ लाख ७६ हजार ३३७ कित्ता सेयर खरिदबिक्री हुँदा २ अरब ९६ करोड ६८ लाख ९९ हजार ७ सय ९१ रुपैयाँको कारोबार भएको छ ।